DAVAO CITY – Human nga gitangtang isip usa sa mga kandidato sa Hugpong ng Pagbabago (HNP) ug Hugpong sa Tawong Lungsod (HTL) candidates alang sa pagka-konsehal sa nagsingabot nga 2022 local elections, gi-awhag karon sa labor group si incumbent Davao City First District Councilor Pamela Librado-Morata nga magpadayon kini sa iyang kandidatura aron nga mahatagan ug tsansa nga mapadayag ang tingog sa mga mamumuo ug urban poor sa siyudad.

Kahinumduman nga una ng igbutyag sa grupong  , Kilosang Mayo Uno (KMU)-Southern Mindanao nga ang nahimong lakang sa HTL  nga i-withdraw ang certificate of nomination and acceptance (CONA) ni Morata nagpasabot lamang nga dili buot sa partido ang  pro-people agenda  nga giduso sa konsehal.

Kahinumduman nga una ng gipasabot ni Vice Mayor Sebastian “Baste” Duterte nga ang pagtangtang kang Librado-Morata ug Nilo “Small” Abellera Jr. sa partido ang wala sumala pa naha-um sa panlantaw sa partido nga alang sa kaayohan sa nasod ug dinhi sa dakbayan sa Davao. 

Kahinumduman nga si Librado-Morata mao ang anak ni kanhi councilor ug labor leader Erasto “Nonoy” Librado. Nahimong ilado sa politika ang mga Librado human nga mikandidato sab ang asawa ni Erasto nga si kanhi konsehal Marleen, ug duruha nila ka mga anak nga sila si Angela ug Leah.