Gipirmahan na ni Davao city mayor Inday Sara Duterte Carpio ang balaudnon labot sa pagpahigayon ug online sabong dinhi sa dakbayan sa dabaw.

kini ang gikumpirma ni Councilor Danilo Dayanghirang, chairperson sa committee on games and amusement sa city council.

-- Advertisement

Gikatarungan ni councilor Dayanghirang nga usa ang online sabong sa gilantaw karon sa syudad nga kakuhaan ug dakong pundo sa lokal nga kagamhanan ilabi na niining panahon sa pandemya diin daghan sa mga establisamento ang nanira ug naapektuhan pag-ayo ang panudlanan sa syudad.

Gilantaw usab sa konsihal ang online sabong isip luwas nga pamaagi kung itandi sa naandam nga sabong diin moadto pa sa cockfighting arena ang mga tawo.

Tungod kay online lamang kini malikayan na ang panagtapok sa mga tawo nga hilig mag-sabong ug malikayan ang pagtakod-takod sa virus.

Ang pahayag ni Councilor Danilo Dayanghirang, chairperson sa committee on games and amusement sa city council.

Sa pikas bahin, dili kombinsido ang DILG nga walay panagtapok nga mahitabo sa online sabong.

Sumala ni DILG 11 Regional director Alex Roldan nga posibling mahimo na hinuon kining tinubdan sa mass gathering gumikan kay bisan ug naa lamang sulod sa balay ang mga nagadula ug online sabong dili mkalikayan nga manawag lamang gihapon kini ug mga higala o silingan nga iyang ka-pusta-anay.

Gawas niini, dili usab motuo si Roldan nga makatabang aron maka-recover ang ekonomiya s ausaka LGU pinaagi sa kitaon sa online sabong.