DAVAO CITY – Subling nanawagan ang Philippine Eagle Foundation (PEF) ngadto sa publiko nga dili hilabtan ang mga agila inay protektahan kini ilabi na nga delikadong mahanaw ang mga kaliwat niini.

Kahinumduman nga una ng gibutyag sa PEF nga malampuson ang gipahigayon nga operasyon sa usa ka agila na na-rescue sa Sarangani diin  nakuhaan kini sa iyang bukton ug usa ka holen dapit sa abaga niini.

-- Advertisement

Mismong ang beterinaryo nga si Dr.  Ana Lascani ang mihimo sa operasyon sa agila uban ang animal keeper sa agila.

Nanawagan sab karon ang PEF sa mga buot modonar nga makiglambigit lang sa ilang buhatan sanglit dugay-dugay pa nga mopailalom sa rehabilitasyon ang naluwas nga agila.

Una na kining na-rescue sa Salabang Falls sa Saranggani human nga na-trap sa Rattan vines dihang dakpon unta niini ang usa ka unggoy aron nga iyang kaunon.