DAVAO CITY РMikabat sa 9.6 milyon pesos ang kinatibuk-ang danyos sa nahitabong sunog kagahapong adlawa sa usa ka bodega sa Soliman, F. Bangoy St.  Agdao, ning dakbayan sa Davao.

Diin electrical ignition matud pa ang hinungdan sa nahisgutan nga sunog.

-- Advertisement

Narekober sab sa mga bombero ang half milyon pesos nga kantidad sulod sa bodega nga wala maapil sa pagkaugdaw nga nakita sa ilang personahe atol sa pagresponde sa nahitabong sunog.

Sa eksklusibong pakighinabi sa Bombo Radyo  kang SFO4 Ramil Gillado, chief investigator sa Bureau of Fire Protection (BFP) ,base sa ilang gipahigayon nga imbestigasyon electrical ignition ang hinungdan sa sunog gumikan nga naugdaw ang pipila ka mga butang sulod sa bodega nga mitala og 9.6 milyon nga damyos.

Una ng gitataw ni Gillado, anaa sa second alarm ang nahitabong sunog apan nakontrala nila kini hinungdan nga walay napagan nga establisyemento ingon man mga pinuy-anan sa likod nga bahin niini.