DAVAO CITY – Mikabat sa 800,000 ka mga indibidwal sa Davao region ang anaa sa listahan nga kalakip sa unang batch sa vaccination batok COVID19. Una ng gibutyag sa Department of Health XI pinaagi sa Vaccination Team Leader nga si Dr. Janis Olavides nga adunay inisyal nga 800,000 ka mga dabawenyos ang andam nga magpabakuna. 

Gitataw sab sa vaccination team leader nga giyahan sumala pa ang ahensiya sa World Health Organization o sa panel sa mga eksperto kalabot sa paghatag ug prayoridad sa bakuna.

-- Advertisement

Laraw karon sa Davao Region health experts nga mahatagan ug prayoridad ang National Vaccination campaign kini aron nga mapugngan ang mortality ug morbidity nga hinungdan sa COVID-19.

Tumong sab niini nga tanan nga mga Filipino ang mabakunahan ug COVID-19 vaccine hangtud sa tuig 2023.

Angayan sab sumala nga hatagan ug prayoridad ang limitado nga supply sa bakuna. Samtang gipasabot sab ni Dr. Raquel Montejo, Operation Chief sa COVID19 Vaccination Program nga ang prioritization nakabase sa level sa vulnerability sa COVID19.

Ang unang prayoridad nga mga grupo ang bakunahan karong tuiga samtang ang lain nga grupo ipailalom sa vaccination program sa 2022 hangtud nga masakop ang tibuok Filipino sa 2023.