800 empleyado ng BFP, PNP, DPWH at AFP gisugdan na ang pagbakuna

DAVAO CITY – Mikabat sa 800 ka mga empleyado nga gikan sa mga nagkadaiyang buhatan sa Bureau of Fire Protection (BFP), Philippine National Police (PNP), Department of Public Works and Higways (DPWH),  Armed Forces of the Philippines (AFP), ingon man mga empleyado sa Provincial Capitol sa lalawigan sa Davao Occidental ang mipailalom sa pagbakuna batok sa COVID-19.

Una ng gipahigayon ang pagbakuna sa New Malita Gym, Malita, Davao Occidental kagahapong adlawa.

Gipangunahan sa mga personahe sa Medical Practitioners ug Frontliners sa Provincial Health Office (PHO), Hospital Management Office (HMO), ingon man ang Provincial Disaster Risk Reduction and Management Office (PDRRMO) ang mga nagdumala sa maong kalihokan.

Padayon ang panawagan sa lalawigan nga pahimuslan ang pagpabakuna batok Covid-19 kini aron nga mahatagan ug igong proteksiyon ang kaugalingon batok sa kagaw.

Samtang una ng gibutyag ni Lt. Col. Raul Sasuca, commanding officer, 10^th station hospital nga daghanan pang mga sundalo ang mabakunahan kini dungan sa pag-abot sa dugang pa nga mga bakuna dinhi sa nasod.