DAVAO CITY – Gikasubo na lamang sa pamilya ang gidangatan sa 7 anyos nga bata kinsa naapil og kaugdaw gumikan sa sunog ngadto sa Brgy. Don Mariano Marcos, Lupon Davao de Oro.

Ang biktima giila nga si CHIANNE LEE  REGOMIO, 7 anyos samtang injured ang  ginikanan niini nga si Antonio Regomeo, 66-anyos, Lydia Regomeo, 61-anyos.

-- Advertisement

Nagpadangat sab og kasubo si Capt. JUANITA ORIAS  NAPOLES kinsa kapitan sa nasampit nga lugar diin nagtoo matud kini nga walay kinabuhing nakalas sa maong panghitabo.

Gawas niini, naugdaw usab ang laing upat pa ka balay diin sa kinatibuk-an, anaa sa 7 ka pamilya o anaa sa 19 ka indibidwal ang apektado sa sunog.

Base sa impormasyon sa mga otoridad , nagsugod sumala pa ang sunog sa balay sa pamilyang Regomeo partikular na sa kwarto sa amahan sa biktima diin nag overheat sumala pa ang gi-charge nga cellphone niini hinungdan sa nasampit nga insidente.

Samtang gibana-banaan nga anaa sa kapin kun kulang P250,000 ang damyos sa maong insidente.