DAVAO CITY – Nanawagan karon ang City Health Office (CHO) sa mga dabawenyos nga ipadayon ang  “4 0’clock Habit” o 4-S strategy aron nga malikayan ang pagsaka sa kaso sa dengue ilabi na nga nakasinate karon ang siyudad ug sunod-sunod nga mga pag-ulan.

Kahinumduman nga subay sa data gikan sa CHO Tropical Diseases Division sa milabay nga tuig 2020 anaa sa 1,193 dengue cases ang ilang natala bisan nga 50 percent kini nga mas ubos kaniadtong 2019.

-- Advertisement

Gikanayong ang 4 o’clock habit ang kabahin sa 4-S government strategy nga nagpasabot ug search and destroy mosquito-breeding sites, employ self-protection measures, seek early consultation, ug support fogging/spraying sa hotspot areas nga adunay gikatalang kaso sa dengue.

Sumala pa kang Elizabeth Banzon, head sa CHO Tropical Diseases and Nutrition Division, nga kanunay sumala pa ang pahimangno sa iyang team ngadto sa mga Dabawenyos nga batasanon ang pagtuman sa 4 o’clock habit o bungkagon ang breeding sites sa mga lamok.

Nasayran nga ang mga lamok nga nagdala ug dengue sagad nga aktibo matag alas kuwatro sa hapon.

Gitambagan sa opisyal ang publiko nga dili pasagdan kung adunay mabati nga sintomas  ilabi na ang kalintura nga usa sab sa mga timailhan nga natakdan ug coronavirus disease 2019 (Covid-19) ang usa ka pasyente.