-- ADVERTISEMENT --

DAVAO CITY – Wala nagdahum ang kasamtangang Top 6 ug Top 8 sa bag-uhay lamang nga Criminology Licensure Examinations 2022 nga mahilakip sila sa mga topnochers karong tuiga.

Sa pagpakihinabi sa Bombo Radyo Davao nila Caira del Castillo ug Nicole Faye Villanueva, gikabutyag sa mga nahisgutan nga wala sa ilang plano nga mamahimong topnotchers sa maong exam.

Apan taliwala sa pressure sa natigayon nga eksaminasyon, nahimong tiunay ang ilang pagpangandam pinaagi sa pag-review, pagkugi ug panalangin. Saysay pa sa Top 6 nga si Caira, nahimong sumbanan ang iyang pamilya taliwala pa sa nasinatiang kalisdanang pinansyal panahon sa ilang pagpangandam.

Samtang tataw sab sa panumduman ni Nicole ang expectation sa katawhan ilabi nang nigradwar siya sa kursong Criminology.

Nahimong babag sa duha ka mga pasado ang gisagubang nga mga mental problems lakip na ang matud pa challenging nga pagsumtar ug mga rekesitos alang sa eksaminasyon.

-- ADVERTISEMENT --

Apan sa katapusan, nagmadaugon ang duha isip topnotchers gikan Davao City nga nahimo sab nga dagkung garbo sa dakbayan, pamilya, og mga gigikanang tulunghaan.

Laraw karon ni Nicole nga magtudlo sa kaubanang Criminology students isip instructor nga nahimo sab niyang trabaho sa iyaha mismong alma mater sa kasamtangan.

Samtang, tumomg sab ni Caira nga musulod og community affairs sa kapulisan una pa sundan ang yapak sa iyang sundalo nga kinamaguwangan nga nahimo niyang ikaduhang ginikanan nga nagasuporta sab sa iyang pagtungha.

via || Bombo LJF