DAVAO CITY – Duruha ka mga Mindanaoan boxers nga nakadaug ug medalya atol sa 2020 Tokyo Olympics ang magpadayon na sa ilang actual training sa Philippine Sports Commission’s Teachers Camp sa Baguio City. 

Gikanayong sila si Tuban, Sta. Cruz, Davao del Sur silver medalist Nesthy Petecio ug Cagayan de Oro City, Misamis Oriental bronze medalist Carlo Paalam  ang gikatakda na nga moadto sa Baguio City alang sa ipahigayon nga bubble training.

Gawas sa mga nahisgutan, bansayon sab sa Association of Boxing Alliances in the Philippines  ang 29 boxers nga gilangkuban sa 19 ka mga lalaki ug  10 ka mga babaye.

Gikanayong anaa sa siyam ka mga coaches ang anaa usab sa training bubble.

Tipik lamang ang pagbansay sa mga nahisgutan aron nga pangandaman ang ilang mamahimong sangka alang sa international boxing tournaments sa mosunod nga tuig nga gilangkuban sa Vietnam Southeast Asian Games, 19th Asian Games sa China, ug AIBA women’s world boxing championships sa Istanbul, Turkey sa bulan sa Disyembre.

-- ADVERTISEMENT --

Kahinumduman nga daghanan ang nagmaya sa nahimong kadaugan sa mga  Pinoy athlete nga misalmot sa Tokyo 2020 Olympics gumikan kay nakauli ang mga nahisgutan ug medalya human ang kapin 90 ka tuig nga palsamut sa nahisgutan nga torneyo.