CEBU CITY-Dili angayan nga kabalak-an ang presensya sa mga iho duol sa usa ka marine sanctuary sa Barangay Pasil, lungsod sa Santander.

Basi sa press release nga gipagawas sa Bureau of Fisheries and Aquatic Resources (BFAR-7) gitataw sa ahensya nga luwas sa makuyaw nga kahimtang ang publiko ug dili kini delikado gumikan kay ang maong mga iho ang mukaon lang usab ug mga gagmay nga isda.

Gibutyag usab sa Regional Director sa Bureau of Fisheries and Aquatic Resources (BFAR-7) nga si Director Allan Poquita, nga usa lang ka ‘normal phenomenon’ ang maong panghitabo gumikan kay ang mga ‘young sharks’ sagad matid pa nga mupatim-aw sa bulan sa Pebrero ug Marso.

-- Advertising --

Dili usab matod pa kini ang unang higayon nga nahitabo. Usa usab matud pa ni Poquita nga migratory nga bahin sa mga sharks ang maong lugar sa Santander.

Check the viral video here: https://www.facebook.com/BomboRadyoCebu963/videos/2804013573158559/

Una na usab nga gibutyag sa opisyal sa BFAR-7 nga posibleng maka-agni kini og mga turista, apan ginadili usa sa pagkakaron ang paghimo og mga aktibidad sa nahisgutang dapit.

Nasayran nga anaa na ang Bantay Dagat group nga mag proteher sa maong lugar. Base sa provincial ordinance, adunay silot nga atubangon ang bisan kinsa nga manakop og mangolekta og iho sa Sugbo. |By Bombo Glena Sabenorio