CEBU CITY – Gibutyag ni Cebu City Administrator Floro Casas Jr. ,nga sukwahi sa mga nanggawas nga taho, wala makadawat ang opisina ni Mayor Edgardo Labella og bisan unsang matang sa komunikasyon sa gipahigayon nga WestVac clinical trials dinhi sa Sugbo.

Matod pa ni Casas, nga wala gayud nakig-alayon kanila ang ni-initiate sa maong clinical trial hinungdan nga gipahunong kini dayon ni Acting Mayor Mike Rama.

Gihimug-atan usab niini nga wala gayud makadawat og letter ang ilahang opisina o maski opisina ni Mayor Edgar Labella nga nagpahibalo kanila sa maong clinical trial.

Kahinumduman, nga sa milabayng adlaw gipahunong ni Mayor Mike ang pagpamakuna gumikan wala kini miagi sa City Government og daw sa giby-pass ra ang local nga kagamhanan sa Sugbo.