CEBU CITY — Inspired ang mga atleta sa Pilipinas aron makalampus sa gipahigayong 30th Southeast Asian Games kung diin ang nasud mismo maoy host country niini.

Kini ang nahimong reaksyon sa kanhi PBA star player ug kasamtangang konsehal sa dakbayan sa Sugbo nga si Dondon Hontiveros.

Bisan paman ug adunay daghang mga bati nga komento sa wala pa magsugod ang SEA Games, wala hinuon panumbalinga sa mga atleta.

-- Advertising --

Naningkamot ug nagmadasigon ang mga pambato sa nasud gumikan kay nakita nila nga naningkamot usab ang mga opisyal.

Nalipay usab si Hontiveros sa gipakita nga performance sa mga atleta.

Kung diin matod pa gipakita gayud sa mga atleta ang rason nga kun nganong anaa sila sa maong duwa.

Dugang pa sa konsehal usa sa nakahatag ug motibasyon sa mga atleta ang suporta gikan sa katawhan.

Dako gayud ug katabang ang home court advantage sa mga duwa sa mga atleta.

Sigon pa na kun ang laing nasud pa ang naghost sa SEA Games, posible nga mosaka usab ang level sa laing team gikan sa nagkadaiyang nasud.

Apan nagatuo gihapon kini nga makakuha gihapon ug taas nga medal count ang Pilipinas. (Lahvi Quiñones)