CEBU CITY — Gibana-banang mokabat ngadto sa P12-million ang natalang danyos sa dakong sunog nga nitumaw sa usa ka 4-storey building kagabii sa Brgy. San Antonio, dakbayan sa Sugbo.

Matud sa imbestigador nga si FO3 Emerson Arceo sa BFP-Cebu City, nga ang nabutong LPG tank gikan sa usa ka canteen maoy gikatahong hinungdan sa dakong kayo nga niulbo gikan sa ground floor sa ESP building nga gipanag-iya sa pamilyang Espina.

Daling niresponde ang kabumberuhan human nakadawat sa alarma pasado alas-11 sa gabii ug giisa kini ngadto sa second alarm.

-- Advertising --

Apan nakontrolar ug napawong ang dakong kayo sa maong commercial/residential building sa wala pa mag-ala-una sa kaadlawon.

Hinuon walay naangol ug namatay sa maong sunog.