CEBU CITY — Gihangop ni Cebu Provincial Gov. Gwendolyn Garcia ang report sa Commission on Audit (COA) diin nag-una ang lalawigan isip “richest province” sa nasud.

Sumala pa sa COA Annual Financial Report niadtong 2019, mokabat ngadto sa P203.9-billion ang total assets sa lalawigan sa Sugbo.

Samtang anaa sa P7.7-million ang current assets sa lalawigan ug P196.2-million usab ang balor sa non-current assets.

-- Advertising --

Matud ni Garcia nga kinahanglang matagamtaman sa matag Sugbuanon ang pagka-adunahan pinaagi sa mga programa nga nagpalambo sa kinabuhi.

Kini sama lang pagpalapad sa kalsada, dugang nga water supply sa mga komunidad, health and social services, ug uban pa.

Gihulagway sa gobernadora ang maong report isip dakong hagit aron mas mopalambo pa ang komunidad sanglit mao kini ang gitinguha sa kasamtangang administrasyon.