CEBU CITY – Gihimakak ni Talisay City Mayor Gerald Anthony “Samsam” Gullas Jr. ang pasangil nga wala niya giendorso si Bise Mayor Alan Bucao nga mahimo’g standard bearer sa ilang partido sa piliay sa sunod tuig.

Nagkanayon si Gullas, ang namuno sa administrasyong Alayon Party, nga una niyang gi-indorso si Bucao nga modagan pagka-mayor nunot sa usa ka kasabutan nga gihimo nila ug sa iyang apohan nga si Rep. Eduardo Gullas sa wala pa ang piliay sa midterm sa 2019.

Magpapili ang batang Gullas sa pagka-kongresista sa 1st District sa Sugbu diin nidagan kini nga wala’y kaatbang.

Dugang pa niini nga iyahang gi-endorso si Bucao apan nasurpresa kini sa dihang 22 ka mga barangay captain ang misugyot kaniya mopili og laing kandidato sa pagka-mayor.

Nisugyot ang 22 ka kapitan nga si Rhea kinsang asawa sa mayor ang padaganon isip mayor sa ilahang partido.

-- ADVERTISEMENT --

Gitumbok sa mga kapitan nga gusto nila nga magpadayon ang programa ug proyekto ni Gullas sa mga barangay ingon usa sa ilang hinungdan nga nagdumili sila sa pag-endorso ni Bucao./ BJR