CEBU CITY — Padayon ang pagpangandam sa Pinoy boxing champion nga si Johnriel Casimero sa umaabot nga sangka niini batok ni Naoya Inoue sa Japan.

Kini bisan pa man og na-postponse ang sangka nga ipahigayon unta sa Abril 25 sa Las Vegas tungod sa hulga sa COVID-19 pandemic.

Gusto untang mouli ang boksidor nga taga-Ormoc City sa Pilipinas apan gitambagan kini sa promoter nga si Sen. Manny Pacquiao nga ipadayon una ang training.

-- Advertising --

Sa eksklusibong interview sa Bombo Radyo ngadto ni Casimero, nagkanayon kini nga gitambagan usab kini ni Pacman nga mosalig sa Ginoo.

Dugang pa sa giilang “Quadro Alas” nga gikondisyon pa ang iyang lawas samtang nagpaabot pa sa bag-ong schedule sa away niini ni Inoue.

Matud usab sa trainer niini nga si Nonoy Neri nga hinay-hinay una sila sa pagbansay-bansay aron dili maburn-out ang pambato.

Hangyo karon ni Neri sa mga Pilipino ang padayong pagsuporta kang Casimero luyo pa man sa nasinating hulga sa COVID-19 pandemic.