CEBU CITY – Nagkanayon si Mandaue City Councilor Nerissa Soon-Ruiz, ang tigpamaba sa City Anti-Drug Abuse Council, nga pito ka personnel gikan sa tulo ka buhatan sa Mandaue City Hall ang nagpositibo sa paggamit sa ilegal nga drugas niadtong Biyernes, Nobyembre 19, 2021, atol sa gipahigayong surprise drug test niadtong Martes, Nobyembre 16.

Naggikan ang pito ka mga empleyado sa City Health Office, Emergency Operations Center, ug City Disaster Risk Reduction Management Office ug mibutyag kini nga ang mga resulta ipaubos sa confirmatory test.

Kadtong mga positibo nga resulta atol sa confirmatory test ipaubos sa due process ug ipaubos sa rehabilitasyon.

Matud usab ni Ruiz nga laing tulo ka mga empleyado ang misuway og pangilad sa drug test pinaagi sa pagsumite sa ginamit nga tubig imbes nga sample sa ihi.

Mitino kini nga tawgon ang niini ang mg nalambigit ug hangyoon sa pagpasabot.

-- ADVERTISEMENT --

Mag-atubang usab sila og administrative sanctions kon mapamatud-an nga tinuod.