Mokabat sa P70.3 milyon nga kantidad sa shabu samtang mosobra usa ka milyon ka pesos nga kantidad sa marijuana ang nakuha sa mga otoridad sa gipahigayong tulo ka adlaw ng region-wide Synchronized Enhanced Managing of Police Operations (SEMPO) sa tibuok probinsiya sa Sugbo.

Sa press conference nga gipahigayon, gibutyag ni PRO 7 Regional Director Police Brigadier General Albert Ignatius Ferro nga anaa sa mosobra usa ka libo nga gramo sa iligal nga drogas ang nasakmit human sa naasoy’ng operasyon.

Segon pa niini, sa maong kantidad anaa sa 152 nga operasyon ang ilang nahimo diin 211 ka mga durugista ang nadakpan.

-- Advertising --

Gihimug-atan ni B/Gen. Ferro nga posibleng gikan sa nasod Myanmar ang maong mga iligal nga drogas sanglit pareho lamang ang sudlanan niini nga tea bag.

Subay niini, gisiguro sa REgional Director nga magpadayon ang ilang hugot nga kampanya batok sa iligal nga drogas sa tibuok Central Visayas. (with reports by Bombo Joann Gantalao/gs)