CEBU CITY – Mukabat sa P250,000 ang dawaton sa pole vaulter nga si Ernest John (EJ) Obiena human nga matala ang personal best ug ang pagtala ug bag-ong national record sa Meeting de Paris Wanda Diamond League sa France.

Gibutyag ni Philippine Sports Commission (PSC) acting executive director Atty. Guillermo Iroy, nga pormal nga ihatag ang pasidungog kung sertipakahan na sa Philippine Athletics Track and Field Association ang iyahang achievement.

Kahinumdoman nga nalangkat ni Obiena ang silver meeting human nga ma-clear ang 5.91 meters nga mas taas sa iyahang kanhi record nga 5.87m sa Poland niadtong buwan sa Hunyo.

-- Advertising --

Ang lakang sa PSC ang isip pagsunod sa National Incentive Act.

Nakalatid niini nga kung si kinsa man nga national athletes ug uban pang atleta nga makalangkat ug Philippine record ang gikinahanglan nga makadawat ug insentiba.

Ang naasoy nga insentiba ang dawaton usab sa weightlifter nga si Elreen Ando ug swimmer Luke Gebbie nga nakakuha usab ug record sa Tokyo Olympics.// EKP