Gitataw ni Beng Miñoza, ang Bombo International Correspondent sa Yehud, Israel nga kuyaw ang nasinati niini sa kasamtangang tensyon tali sa Palestine ug Israel.

Matod ni Miñoza nga sa panahon nga magsirena aron sa pagpahibawo sa pagpangatake, magpanic na kini ug dali dayon sila nga manago sa ‘bomb shelter’ aron magpabiling luwas. Dugang pa niini nga matag gabie, matulog kini sa ‘bomb shelter’ nga gikonsiderar nga labing lig-on nga bahin sa panimalay aron masiguro nga luwas ang ilang kahimtang.

Hinuon gibutyag niini nga maayo lang ang kahimtang sa Filipino Community sa nasod gumikan kay wala usab nagkuwang ang embahada sa pagpahinumdum nga kanunay nga mag-amping ingon man dili mugawas sa panimalay kung walay importanteng asikasuhon.

Nagkanayon si Menoza nga daghan na ang nakabsan sa kinabuhi diin aduna kini kauban nga caregiver nga Indian National ang nabiktima sa maong tensyon.

Nanawagan kini sa susama nga Pilipino nga samtang wala pa ni-anunsyo og ceasefire ang Israel, magpabiling luwas ug mag-amping og dili malimot sa angayang buhaton atol sa kagubot. Dugang nga panawagan niini nga mahuman na unta ang kagubot aron wala nay laing kinabuhi pa nga makalas.

-- ADVERTISEMENT --