CEBU CITY – Nilanat pa og duha ka tuig bag-o nakagawas ang usa ka elk sa kahasol nga dala sa usa ka ligid sa sakyanan nga na-bitik sa liogan niini sa Colorado, USA.

Ang Elk kay usa ka klase sa mga dagkung deer ug base pa sa taho sa wildlife officials sa Colorado kay malampuson niining nakuha ang ligid ning buwana lang.

Tuig 2019 sa dihang unang nasigpatan ang Elk nga adunay ligid sa liogan, hangtud sa nasigpatan kini balik ug daling ni-aksyon ang Colorado Parks & Wildlife.

Samtang, kauban niini ang 40 pa ka mga elk nga nagsuroy-suroy sa kakahuyan, gigamitan kini og tranquilizer o pampatulog sa wildlife rescue team; arun luwas nga makuha ang ligid sa liog niini./ BEP