CEBU CITY – Gihimug-atan sa Department of Health (DOH-7) Regional Director Dr. Jaime Bernadas nga luwas ang bakuna nga giturok sa clinical trial nga gipahigayun sa usa ka Chinese pharmaceutical company ngadto na sa usa ka tambalanan sa dakbayan sa Sugbo.

Tataw pa niini nga kung dili unta kini hatagan og pagtugot sa clinical trial kung dili unta luwas ang bakuna.

Dugang pa niini nga kung anaa na sa clinical trial kay susuma na kini og nahatagan og emergency use authorization diin gigamit na kini sa tawo.

Subay kini sa pagpahigayun og clinical trial sa bakuna nga gama sa WestVac Biopharma CO., Ltd., sa nasud.

Diin usa kini sa upat ka kumpanyanga nahatagan og approval sa ilang bakuna nga makapahigayun og clinical trial sa Pilipinas.

-- ADVERTISEMENT --

Gisiguro usab niini nga ang Westvac Biopharma vaccine kay luwas ug posibling nakapasar sa Philippine Health Research and Development, ang research consortium sa Central Visayas, ubos sa supervision of the Department of Science and Technology (DOST).

Tataw pa niini nga nasayud kini sa clinical trial sa WestVac kay nakadawat kini og suwat nga nananghid sa syudad sa ilang clinical trial.

Apan, iyaha kining nakalimtan ug nakugang nalang sa dihang gisugdan na sa kumpanya ang ilang pag-testing nga wala niagi sa DOH-7./ EKP