CEBU CITY — Subling nagpahimangno ang mga eksperto sa panlawas nga dili himu-ong hulip sa tubig ang “kape” ilabi na sa pagmata sa buntag.

Gitambag sa mga eksperto ang pag-inom ug usa ngadto sa duha ka basong tubig matag adlaw atol sa pagmata sa buntag.

Pagpasabot sa mga batid, nga makasinati ug dehydration ang usa ka tawo nga gikan natulog sa tibuok gabie, hinungdan nga mahinungdanon ang pag-inom ug tubig inig mata sa buntag.

-- Advertising --

Kini makatabang matod pa alang sa himsog nga pagsugod sa adlaw.

Dako usab kini ug tabang ilabi na ang adunay gina-inom nga mga tambal isip maintenance.

Segon sa mga pagtuon nga nadiskubre sa mga health experts, ang tubig makatabang alang sa pagpahimsog pa sa utok, spial cord ug ubang sensitibong tissues sa lawas; gina-regulate usab sa tubig ang temperatura sa lawas samtang gina-wash out niini ang mga hugaw sa atong lawas.