CEBU CITY – Gipildi ni one-time world title challenger Jonas Sultan si Puerto Rico’s Carlos Caraballo pinaagi sa pagpatumba niini sa ka-upat nga higayon sa unanimous decision kaganehang buntag ( Philippine Time) sa Madison Square Garden sa New York, USA.

Ang 29-anyos nga Filipino usa ka heavy underdog batok kang Caraballo, usa ka protégé ni kanhi world champion Miguel Cotto ug midaog sa iyang unang 14 ka away isip usa ka pro sa tanan pinaagi sa knockout, kinsa nagtinguha nga idugang si Sultan sa iyang listahan sa gipildi.

Apan napamatud-an ni Sultan nga usa kini ka lig-on nga kaatbang alang sa Puerto Rican, diin nakig-away kini sa kontra pinaagi sa toe-to-toe exchanges ug gidala niya kini hangtod sa 10 rounds nga sukad-sukad wala pa ma-abti ni Caraballo.

Nakuha sa lumad nga taga Tampilisan, Zamboanga del Norte ang kadaugan pinaagi sa unanimous decision sa parehas nga score nga 94-93 sa tulo ka judges’ scorecards, nga nakapakugang sa pro-Puerto Rican crowd sa Madison Square Garden.