CEBU CITY — Gibutyag ni Liza Villanueva, ang inahan sa usa sa mga na-rescue sa barkong LCT Cebu Great Ocean nga nisangad sa Brgy. Cantapoy, Malimono, Surigao del Norte nga dili sayon ang kasinatian sa anak niini.

Napalgan si Jojie Villanueva, 23-anyos ug lumulupyo sa Brgy. Linao, Talisay, Cebu kinsa nga usa sa 20 ka mga tripulante nga ni-abandon ship sa nahisgutang cargo vessel gumikan sa kusog nga bawod ug hangin dala sa bagyong bising.

Matud sa inahan niini nga niadtong Abril 18 sa dihang nahinabi kini og nagkanayon nga nag-angkorahe kini tungod kay kusog na ang bawod ug hangin.

-- Advertising --
May be an image of 1 person and sitting
Usa sa mga na-rescue nga si Jojie Villanueva (hulagway gikan sa FB page ni Mayor Samsam Gullas)

Sa sunod adlaw niana, Abril 19 sa buntag sa dihang nagpahibawo kini sa inahan nga mu-abandon ship na gumikan kay nitakilid na ang barko.

Suot matud pa niini ang life jacket ug nag utaw- utaw sa kadagatan sulod sa duha ka adlaw.

Sukad niadtong adlaw nga Lunes, wala na kini komunikasyon sa inahan.

Gikan sa Tubay, Agusan del Norte ang maong vessel ug posible nga naabot kini sa Surigao del Norte gumikan sa kakusog sa bawod.

Nanawagan kini sa tanan nga di mawad-an og paglaom ingun man mag-ampo.

Samtang nipa-abot na ug tabang ang lokal nga pangagamhanan sa dakbayan sa Talisay alang sa pamilya ni Villanueva lakip na ang pagtabang nga maka-uli sa Sugbo ang maong tripulante.

Sa facebook post ni Talisay City Mayor Geral Anthony Gullas, gipa trace niini sa mga otoridad ang hospital nga nahimutangan ni Villanueva ug nasuta nga kasamtangan kini nga naka admit sa Caraga Regional District Hospital in Surigao City. (Bombo Rhea Acop)