CEBU CITY — Daling na-rescue ang usa ka higante nga buaya human kini nasigpatan sa Simunul, Tawi-Tawi.

Unang nakita usa ka mananagat nga ginganlan og David Tungkoh ang maong buaya niadtong Miyerkules, Oktubre 14 ug nagpatabang kini sa mga hintungdang opisyal sa gobyerno.

Sigon pa sa nag-share sa mga hulagway nga si Grace Nuka nga nagtinabangay ang mga mananagat ug mga residente aron lang madakpan ang maong buwaya diin anaa sa kapin 18 feet ang gitas-on niini.

-- Advertising --

Human nakuha, gidala ang maong higanteng buwaya sa tourism office sa maong lungsod alang sa pag-atiman niini.

Nasayran nga niadtong 2017, nakakuha sila kaniadto og laing higanteng buwaya gikan sa susamang lugar. (gn)