CEBU CITY – Gitataw ni Cebu City Councilor Philipp Zafra nga hapsay ug napahimutang na ang mga sidewalk vendors atul sa unang adlaw sa dihang nakabalik kini sa pagpaninda sa syudad.

Si Zafra kinsang pangulo sa Garbo Asenso Sumbanan Alyansa (GASA) ang nag-monitor sa mga sidewalk vendors ug sa mga libod-suroy o namalimos sa kadalanan.

Tataw pa niini nga katung lamang mga ‘fully vaccinated’ lamang ang makabalik og pagpaninda sa piling lugar sa syudad.

Butang nga gihangyo ni Zafra ang mga manindahay nga magpabakuna na ilabi na katung wala pa naturukan sa Covid-19 vaccine.

Sa mga ni-kwestiyon og kung nganung katu lamang nabakunahan ang makabalik, tubag sa konsehal nga mismo ang organisasyon na sa mga sidewalk vendors ang nidesidir nga himoon kining resikitos. – BEP

-- ADVERTISEMENT --