CEBU CITY – Gidunggab patay usa ka wala mailhing lalaki sa Sitio Acacia, Barangay Inayawan ning dakbayan sa Sugbo.

Pasado alas 1 ka kadlawn sa dihang nakadungog ang mga residente sa maong dapit og tingog sa usa ka indibidwal nga nangayo og tabang.

Sa eksklusibong pakigsusi sa Bombo News Team sa nahitabong insidente, nasuta nga dili residente sa maong dapit ang biktima apan aduna kini’y gibuhian nga mga pulong sa wala pa kini makabsi sa kinabuhi.

Sigon pa sa mga residente nga adunay pangalan nga gilitok ang biktima og gibalik-balik ang pangan nga ” Jayvie Quezon”.

Eksklusibo usab nga gikahinabi sa atong team ang mga residente diin usa niini ang mibutyag nga iyaha pang gipangutana ang biktima.

-- ADVERTISEMENT --

Matod pa ni Charity Grace Velasques residente maong lugar , nga iyang kining gipangutana og unsa ang pangalan apan igo ra kining mitubag og “Kadarohan”.

Subling gipangutana ni Velasques ang biktima kung unsa ang pangalan niini ug kinsa maoy nagbuhat niini kaniya diin igo lang kining militok og pangalan nga “Jayvie Quezon”.

Sa padayon nga pagsubay sa Bombo Patrol sa insidente sa pagpanunggab sa Sitio Acacia, Barangay Inayawan ning dakbayan sa Sugbo.

Atong nahinabi ang pipila usab ka residente nga nakabati sa tingog sa pagpangayo og tabang ug nakakita sa biktima.

Matod pa sa usab ni Lea Jurado residente usab sa among dapit, nga mahulagway kini nila nga usa ka mahuyang gumikan adunay parte sa pamulong niini ang nikalit lang pagbawog.

Dugang usab sa laing residente nga si Jose Baguio nga wala moduol dayon ang mga residente sa biktima gumikan sa kahadlok nga adunay moresbak niini og wala usab maka-ila ang mga residente sa maong dapit.

Padayon pang gisusi sa kapulisan kung si kinsa ang biktima, unsay hinungdan nganong gidunggab kini ug nganong naabot kini sa naasoy nga lugar.

Sa kasamtangan anaa na ang patayng lawas nsa biktima sa St. Francis sa may N. Bacalso Avenue ug naghuwat nga adunay tagtungod nga mokompirma ug mokuha niini.