CEBU CITY — Andam si Cebu Governor Gwendolyn Garcia nga mohatag og second chance ngadto sa mga sakop sa Cebu City Emergency Operations Center (EOC) human sa giingong misinterpretation niini ngadto sa Mactan-Cebu International Airport.

Kini kabahin na sa isyu sa mga locally stranded individuals (LSIs) ug mga APORs kinsang gipangayoan og letter of acceptance gikan sa Kapitolyo sa dili pa makasulod sa Sugbo.

Wala hinuon mitambong sa meeting nga gipatawag ni Garcia ang mga sakop sa Cebu City EOC niadtong Pebrero 2 aron ipasabot ang maong isyu.

-- Advertising --

Una nang gitataw ni Garcia nga dili na magkinahanglan og letter of acceptance ang mga LSIs ug APOR kinsang mosulod sa Sugbo, butang nga gikasagmuyo niini kung nganong nagbutang og booth ang mga sakop sa Cebu City EOC sulod sa maong tugpahanan.

Matud ni Garcia nga kinahanglang masayud gikan sa habig sa maong ahensya kung nganong gibuhat man kini bisan og walay order gikan sa gobernadora.