CEBU CITY – Gibutyag sa kadagkuan sa Land Transportation Office sa Central Visayas (LTO-7) nga kapin sa 270,000 nga plaka sa mga sakyanan ug motor ang hangtod karon wa pa nakuha sa mga tagiya ngadto sa ilahang buhatan.

Tungod niini, nibahad karon si LTO-7 Director Victor Caindec nga pangdakpon na ang mga motorista kung wala’y tarong nga plaka sa katapusan bahin sa buwan sa Desiyembre karong tuiga.

Si Caindec ni-issue sa maong warning human nga ang LTO-7 kay gi-ablihan sa ilahang laing extension office sulod sa SM Seaside City kagahapon diin gitagana kini alang lang sa distribusiyon sa mga plaka sa sakyanan ug motor.

Base sa datus sa LTO-7, adunay kapin 195,000 nga mga plaka sa motor ang wa pa na kuha.

Samtang sa mga four-wheel vehicles, niabot ngadtp sa 81,910 ang unclaimed usab sa mga tagiya niini.

-- ADVERTISEMENT --

Sigon ni LTO-7 director Caindec nga kasagaran sa maong mga plaka available na sukad pa niadtong tuig 2018 hangtod niaging tuig.


Nagkanayon si Caindec nga wa siya mahuna-hunaan nga rason nganong wala pa gipang-claim ang maong plaka diin naa naman unta memorandum agreement ang LTO-7 ug ang mga car ug motor dealers kabahin sa pag release niining mga plaka.

Gipahibaw pagbalik ni Caindec ang mga tagiya og sakyanan ug motor nga pwede sila mismo ang mokuha na sa ilahang mga plaka ug di na mopaabot pa sa mga dealers ug distributors.