CEBU CITY – Dako ang pagsalig ug kumpyansa sa usa ka sports analyst ngadto na sa mga atleta nga mirepresentar sa Pilipinas nga magmalampuson sa Southeast Asian (SEA) Games 2019.

Sa eksklusibo nga pakighinabi sa Bombo Radyo Cebu, matud ni Edmund Navarro nga wala may perpekto apan kini nagtuo nga naanad na ang mga atletang Pilipino ug ‘pressure’ hinungdan nga dili kini makatandog kanila.

Gidugang pa niini na usa ka ‘moral booster’ alang sa mga atleta ang pagduwa niini sa kaugalingong nasud ug nanghinaut lang kini nga magpabilin ang ‘crowd attendance’ nga mao ang mupadasig sa mga Pinoy athletes.

-- Advertising --

Alang usab kang Navarro nga wala maghatag ug hulga ang ubang mga atleta gikan sa laing nasud sa Southeast Asia sa mga atleta sa Pilipinas.

Kumpyansa kini nga makaya ug atubang sa mga Pinoy sa bisan unsa mang natad sa paugnat sa kusog ang mga langyaw nga atleta.

Samtang, gitataw usab ni Navarro nga importante ang suporta sa gobyerno ngadto sa mga atleta sa aspeto sa pagkaon ngadto na sa pinansyal.

Bisan pa man sa mga pagsaway, giingong gikinahanglan nga mubarug ang gobyerno ug himuon na lang kini nga ‘wake up call’ nga mabuhat gayud nila ug insakto ang ilahang trabaho.