Plano karon ni Senate President Vicente Sotto III nga i-reactivate ang “Citizen’s Drug Watch” ilabi na nga nagkagrabe na ang pagkagumon sa ginadiling drugas sa nasud.

Sa pagpakighinabi sa Bombo Radyo Cebu ngadto ni Sotto, nagkanayon kini nga kinahanglan kumpleto ug holistic ang approach sa otoridad alang sa pagsumpo sa ilegal nga drugas sa nasud.

Nakita sa Senate President nga mas nag-focus ang mga operatiba sa enforcement ug nagkuwang sila sa prevention ug rehabilitasyon.

-- Advertising --

Hinungdan nga mangita gyud og paagi ang mga durugista aron lang magpadayon ang ilang bisyo.

Giklaro ni Sotto nga dili kini usa ka pagsawaya apan usa lang kini nga sugyot sa tumong ug tinguha nga mawagtang ang pagkuyanap sa drugas sa nasud.

Natukod ang Citizen’s Drug Watch Foundation pinaagi ni kanhi Senador Ernesto “Boy” Herrerra sa tinguha nga malikayan sa mga kabatan-onan ang dautang epekto sa ginadiling drugas.