CEBU CITY — Nangharos ang mga Sugbuanon atol sa unang adlaw sa 2019 SEA Games kagahapon sa ilang tagsa-tagsa ka mga sporting events.

Unang nakuha sa taga-Talisay City nga si Andrew Kim Remolino ang unang silver medal sa nasud sa men’s triathlon sa Subic human niya gisundan sa teammate niining si John Chicano.

Nakakuha usab og silver medals ang mga pambato nga silang John Febuar Ceniza alang sa weightlifting men’s 55-kilogram division ug Niño Surban alang sa mountainbiking.

-- Advertising --

Nakalampus usab ang gradwado sa Cebu Technological University nga si Dexler Bolambao human makuha ang gold medal sa arnis-men’s bantamweight division.

Samtang nagmalampuson ang mga pambato sa men’s sepak takraw human nakakuha og gold medal human naka-score og 670 points batok sa 450 points sa Cambodia ug 430 points sa Laos.

Gipanguluhan ang men’s team sa taga-Mandaue nga si Metodio Suico.

Nangharos usab ang mga pambato sa dancesport human makuha ang gold medal atol sa Latin dance category.

Kini human nga nakuha nilang Wilbert Aunzo ug Pearl Marie Cañeda ang gold medals sa sayaw nga Cha-cha-cha, Samba, ug Rhumba. (Bombo Radyo SEAG News Team)