CEBU CITY – Walay ipagawas nga kamanduan si Cebu Provincial Governor nga si Gwendolyn Garcia diin magtahas sa mga nagdakaiyang syudad ug lungsod nga sakup sa lalawigan alang sa umaabot nga kalag-kalag.

Matud pa niini nga hatagan niini og kahigayunan ang tagsa-tagsa ka mga Local Government Units (LGUs) nga magpakanaug og ilahang kaugalingon nga lagda.

Nalantawan sa gobernadora nga mas nasayud ang mga mayores sa mga lungsod ug syudad butang nga mas maayo kini ang mopatuman og lagda sa kalag-kalag.

Sayud usab kini nga lahi-lahi ang sitwasyon sa matag lugar diin daku ang salig niini nga maka-montar ug makaayo ang ipakanaug nga lagda o polisiya.

Subay niini, pipila na ka mga lungsod ug syudad ang nipakanaug og lagda apan ubay-ubay pa ang nagpabilin nga nag-plantsa ug planong diin ipagawas kini sa dili pa ang Kalag-kalag.- BEP

-- ADVERTISEMENT --