CEBU CITY – Gipahibawo ni Jaypee Labella kinsang kinamaguwangang anak ni Cebu City Mayor Edgardo Labella nga ang haya sa nitaliwang Mayor kay anaa karon sa Cosmopolitan Funeral Homes nga nahimutang sa Nivel Hills, Lahug, Cebu City.

Adunay mahitabong public viewing hangtod sa adlaw nga Martes, Nobyembre 23, 2021.

Samtang, dad-on usab kini sa Cebu City Social Hall sa adlaw nga Miyerkules, Nobyembre 24, 2021 hangtod na usab sa adlaw ng Biyernes, Nobyembre 25, 2021, alang na sa public viewing.

kagahapon sa kadlawn sa dihang nitaliwan si Mayor Labella sa edad nga 70 anyos.

-- ADVERTISEMENT --

Nipahigayon og usa ka press conference ang pamilya Labella pinaagi ni Jaypee aron ipahibawo sa katawhan ang tinuod nga hinungdan sa kamatayon sa amahan niini.

Kahinumduman, nga pipila ka higayon na nga gidala sa tambalan ang mayor og pipila ka higayon na usab kini nga naka-leave gumikan sa balatian.

Matud pa sa anak nga tungod kini sa septic shock secondary to pneomonia didto sa Perpetual Soccour hospital.

Jaypee Labella

Kahinumduman usab, nga nag-indefinite leave si Mayor Labella sukad niadtong Oktubre 8 human gitambagan kini sa mga doktor nga mopahuway og dugay ug likayan ang stress aron hingpit kining maulian sa pneumonia.