Walay bisan unsa mang hotel o establisyemento dinhi sa dakbayan sa Sugbo ang gisudlan sa 38-anyos nga Chinese woman nga nag positibo sa 2019 novel coronavirus.

Kini ang giklaro ni Dr. Jaime Bernadas ang Regional Director sa Department of Health (DOH) 7 atol sa ilang press conference kagahapon, Enero 31.

Gibutyag ni Dr. Bernadas nga ila ng nasuta ang mga hotel ug resort nga gisudlan sa nahisgutang Chinese national ug negatibo dinhi sa Cebu City.

-- Advertising --

Apan sigon pa ni Bernadas nga padayon ang ilang imbestigasyon aron masuta kun adunay ‘close contact’ ang nahisgutang NCov positive sa dakbayan sa Sugbo.

Matod pa nga 3 ka oras ang Chinese national sa Mactan Cebu International Airport niadtong Enero 21 usa kini nibyahe paingon sa Dumaguete sa susamang adlaw.

Sa pagkakaron, aduna pa silay 4 ka mga Chinese nationals nga gipaubos sa imbestigasyon apan matod pa nga dili kini gikan sa Wuhan City ug kasamtangang naka-confine sa usa sa mga tambalanan dinhi sa dakbayan sa sugbo.

Bisan paman, gisiguro ni Bernadas nga andam ang DOH 7 ug Bereau of Quarantine 7 batok sa 2019 novel coronavirus.

Andam na usab ang mga protective equipment and devices alang sa mga healthworkers nga maoy frontliner sa mga pasyente nga posibleng positibo sa coronavirus. (Lahvi QuiƱones)