FRANCE –Suspendido og lima ka tuig ang usa ka football player human nga gituohang namaak og kinatawo sa iyang kontra sa dihang napildi sa ilang duwa.

Nahitabo ang maong insidente sa carpark sa stadium sa football team nga Terville human sa ilang sangka batok sa Soetrich niadtong Nobyembre.

Matud ni Emmanuel Saling sa Mosellian football district nga naglalis ang duha ka players human sa ilang match.

-- Advertising --

Sa dihang misuway ang usa ka player gikan sa Terville nga pakalmahon ang duha, gipaak sa player sa Soetrich ang kinatawo niini.

Gumikan sa grabe nga samad nga naangkon, kinahanglan pa kining tahi-on ug mo-absent sulod sa upat ka adlaw ang biktima.

Gawas sa suspek, nag-atubang og six-month suspension ang biktima.

Matud ni Saling nga lahi ang matang sa suspensyon nga gi-atubang sa player gumikan kay miabot pa kini og mga katuigan.

Kinahanglan usab, matud pa, nga manawag og eksperto ang komite sa liga sa dili pa desisyunan ang silot sa mga players.

Nagtabla sa iskor nga 1-1 ang sangka ug ihatag na unta ang unang puntos ngadto sa Terville.

Apan kadugayan, gihatagan na og point deduction ug multa nga 200 euros (o P11,000) sa giingong kakuwang sa seguridad sa Terville maong nisangput na sa maong insidente. (Reuters)