CEBU CITY – Mokabat sa 6.8 million nga kantidad sa shabu ang nasakmit gikan sa buy bust operation nga gipahigayon sa mga sakop PDEA 7 sa Purok 4 Barangay Kamputhaw ning dakbayan sa Sugbo.

Ang dinakpan giila nga si Nestor Rosal, 59 anyos minyo ug nagpuyo ra usab sa maong dapit.

Moabot sa usa ka buwan kapin ang gihimo nga surveillance sa kapulisan sa maong subject sa wala pa kini mohimo og buy bust operation.

Matod sa dinakpan nga gika sa Duljo Fatima ang mga item sa shabu nga iyahang gipamaligya ug tag P300 ra ang iyahang ginansya isip runner niini.

Dugang pa sa suspek nga bag-iay ra kining nagsugod sa maong ilegal nga negosyo.

-- ADVERTISEMENT --

Apan nasayran nga napriso na kini niadtong 2016 sa susamang kaso ug nakagawas niadtong 2018.

Kasong kalapasan sa Comprehensive Dangerous Drugs Act of 2002 (Republic Act No. 9165) ang atubangon sa suspetsado./ JBR