CEBU CITY-Gipanghatag na sa Cebu City Government ang tagsa ka milyon ka pesos nga financial assistance ngadto sa tanang mga barangay sa dakbayan aron gamiton sa COVID-19 response.

Sigon pa sa tigpamaba sa mayor nga si Atty. Rey Gealon nga gamiton sa mga kapitan gikan sa 80 ka mga barangay ang maong pondo aron makapalit og pagkaon sama nalang sa bugas, de lata, ug uban pang mga panginahanglanon sa matag panimalay.

From Cebu City Public Information Office

Mahimo usab nga gamiton ang maong pondo aron ikapalit og dugang pang protective gears sama na lang sa face mas ug personal protective equipments.

-- Advertising --

Baynte porsyento (20%) lang gikan sa pondo ang gitagana alang sa pagpalit sa maong gamit.

Dugang pa ni Gealon nga ang P1-million nga pondo mao ang dugang nga hinabang human nga nahatagan ang mga barangay og pasiunang pondo para sa COVID-19 response gikan sa P1-million ngadto na sa P3-million. |GN

From Cebu City Public Information Office