Photo from web

CEBU – Patay ang usa ka gitoohang miyembro sa fraternity ug kritikal usab ang usa niini ka kauban human nga gipusil ug gidunggab sa ilahang karibal nga grupu, sa Sitio Tabok Lamak, Yati, lungsod sa Liloan.

Giila ang napusilan patay nga si Raymart Sasida, ug kritika usab sa dihang gidunggab si James Once, nga pulus mga miyembro sa Alpha Kappa Rho (AKRHO).

Gisaysay ni Police Major Dan Colipano, ang hepe sa Liloan Police Station nga nahitabu kini Dominggo sa kaadlawun basi sa ilang imbestoigasyon human nga nag-abut matud pa ang duha ka grupu sa nahisgutang lugar sa dihang adunay disco subay sa kapiyestahan.

-- Advertising --

Sigon pa usab sa hepe nga dunay nakakita nga ang mga suspect ang nagsul-ob og t-shirt nga naay print nga Tau Gamma. Matud pa nga posibling nagka-initay ang grupu hinungdan nga nahitabu ang kagubut.

Naigu sa bala si Sasida sa nawung ug milapus sa ulo hinungdan sa hinanali niini nga kamatayun ug gidunggab usab sa dughan si Once hinungdan nga kritikal kini hangtud sa pagsuwat niining balita.

Gipatawag ni PMaj Colipano ang lider sa duha ka kampo arun nga matino ang panghitabu. Kini aron usab nga dili na musamot pa ang away sa duha ka grupo. .

Giawhag usab sa hepe ang lima ka suspek nga musurindir na lang sa kapulisan.