CAGAYAN DE ORO CITY – Gitahasan ni Misamis Oriental Provincial Police Office Director Col Raniel Valones ang iyang kapolisan nga sulbaron ang kamatayon sa duha ka lalaki nga gipangpusil sa lungsod sa Initao ning lalawigan.

Photos from Initao PNP thru PRO 10’s PIO

Kini aron masuta kon unsay motibo sa pagpatay sa mga biktima nga si Bonifacio Sandoval,50 anyos ug Arnold Sandoval,38 anyos ug residente sa maong lungsod.

-- Advertisement --

Gibutyag ni Misamis Oriental Provincial Police Office spokesperson Maj Christian Relevo nga gitahasan ni Valones ang Initao PNP nga makig-koordinar sa Iligan City Police Office aron masayran kon nganong nakaabot ang mga biktima sa Brgy Saray sa miaging adlaw.

Si Misamis Oriental Provincial Police Office spokesperson Maj Christian Relevo

Una nang nabutyag sa mga biktima sa ilang mga paryente nga duna sila’y nakalalis sa maong brgy nga ilado nga bahin sa Iligan nga may daghang presensiya sa ilegal nga droga.