-- ADVERTISEMENT --

CAGAYAN DE ORO CITY – Pagkatangtang sa katungdanan ug kasong administratibo ang atubangon sa mga pulis nga masapon nga makasupak sa ‘no take policy’ nga kasamtangang gipatuman sa liderato ni PNP chief Gen Dionardo Carlos sa nasud.

Kini ang gipalanog ni Carlos atubangan sa mga pulis nunot sa pagretiro na ni Brig Gen Rolando Anduyan ug gihulipan ni Brig Gen Benjamin Acorda Jr sa Police Regional Office 10 sa Camp Alagar sa syudad kagahapon sa buntag.

Photos from PRO 10 Regional Information Office thru P/LTC Michelle Olaivar

Siya miingon nga numero niya nga tahas ang pagpalig-on ug pagpahapsay pa sa preparasyon sa taliabot nga piliay sa sunog tuig sa nasud.

Gibutyag sa heneral nga kini ang usa sa iyang mga patakaran samtang ipadayon ang mga programa nga gibilin ni retired PNP chief Gen Guillermo Eleazar.

Si PNP chief Gen Dionardo Carlos

Samtang gimanduan ni Carlos ang tanang mga pulis ubos sa liderato ni Acorda nga paluyuhan ang mga programa nga ipatuman niini sa Police Regional Office 10.

-- ADVERTISEMENT --

Kini ang marching order ni Carlos samtang gipangunayan ang pagdumala sa turnover of command tali kangAnduyan ug Acorda sa Camp Alagar ning syudad kagahapong adlawa.

Ang dugang pahayag ni PNP chief Gen Dionardo Carlos

Miingon si Carlos nga lahi usab sa ang kalidad sa liderato ni Acorda diin iyang nasaksihan samtang sila nag-uban kaniadto sa PNP-8 sa Eastern Visayas region.