CAGAYAN DE ORO CITY – Nakasaway si three division champion Johnriel Casimero sa plano ni Top Rank Promotions President Bob Arum kabahin sa iyang boxing career.

Kini human gilaraw ni Arum nga ipag-away si Casimero ug IBF world super flyweight champion Jerwin Ancajas sa tuig 2021.

-- Advertisement --

Miingon si Casimero nga unta hatagan siya’g mas lig-ong boksidor ni Arum ug dili si Ancajas nga susama niya nga Filipino boxer.

Gibutyag sa Ormoc City boxer nga bisan sa walo ka title defense ni Ancajas apan kon dili mga lig-on ug sikat nga boksidor ang ikasangka magsilbi gihapon kining walay hinungdan.

Si Casimero ang ulahi nga mi-knockout kang boxer Duke Micah via 3rd round technical knockout niadtong Setyembre ning tuiga.Si Casimero ang kasamtangang may 30 ka daug,21 knockouts ug 4 ang pildi.

Samtang wala pa’y komento si Ancajas batok sa komento ni Casimero bahin kaniya.