CAGAYAN DE ORO CITY – Nalubong na ang usa sa mga pari nga namatay tungod sa pagkatakdi sa coronavirus human wala niini ang maantos ang komplikasyon samtang gitambalan sa Northern Mindanao Medical Center o NMMC ning syudad.

Gibutyag ni Diocese of Malaybalay City,Bukidnon spokesperson Rev Fr Vir Delfin nga unang nadala si late Fr Diomedes Brigoli sa Maria Reyna -Xavier University Hospital apan gibalhin sa NMMC tungod sa pagrabe sa kahimtang hangtod namatay sa miaging Sabado.

-- Advertisement --

Gisaysay ni Fr Delfin nga ilang gitoohan nga nadakdan si Brigoli gikan sa iyang alagad kinsa duna usa’y exposure sa kabanay nga gikan sa Tagum City, Davao Region sa bayrus.

Si Diocese of Malaybalay City,Bukidnon spokesperson Rev Fr Vir Delfin

Si Brigoli ang usa sa 11 ka paring Katoliko nga natakdan sa bayrus nga nadala dinhi sa syudad sukad pa sa miaging mga semana.Naka-lockdown sulod sa pito ka adlaw ang bishop house tungod sa hitabo.