CAGAYAN DE ORO CITY – Gihimakak ni kanhi Taglimao Brgy Kap William Guillani nga gisibog niya ang kasong kurapsyon batok City Mayor Oscar Moreno sa Korte Suprema ug Office of the President tungod sa presyur sa kamatayon sa negosyante nga si Carlos Lam sa syudad niadtong Hulyo 2020.

Miingon si Guillani nga gusto lamang niya nga makig-uli sa maayong kabubut-on kang Moreno ug walay kalabutan ang kasong kriminal nga iyang giatubang sa piskalya.

-- Advertisement --

Una nang mihatag kopya si Guillani sa duha ka affidavit of desistance kang Moreno kabahin sa Ajinomoto case ug multi-million cash advances sa miaging katuigan.

Si kanhi Taglimao Brgy Kap William Guillani

Samtang gikalipay ni Moreno nga hingpit nang giatras ni Guillani ang duha ka kaso batok kaniya.

Gikompirmar sa mayor nga nadawat na niya ang mga kopya sa dokumento ug nahisgutan usab kini niya kuyog sa iyang abogado.

Si City Mayor Oscar Moreno

Apan giklaro ni Moreno nga bisan wala ang affidavit of desistance,nagtoo siya nga mopabor kaniya ang hukom kay wala siya’y nalapas nga balaod.