-- ADVERTISEMENT --

CAGAYAN DE ORO CITY –Mitala sa 2.4 milyon ka pesos ang structural damage sa dakong sunog sa Accreation,Brgy Macabalan ning syudad karong hapon lamang.

Gibutyag ni Fire Senior Insp Willie Tan sa Bureau of Fire Protection nga anaa sa 16 ka balay ang nalamoy sa kalayo nga nagsumikad sa luyo nga bahin sa balay ni Virginia Dalondona sa maong lugar.

Nahimong paspas ang pagkaylap sa kalayo tungod kay mga hinimo sa halos kahoy ang mga balay nga naigo sa maong hitabo.

Hinoon,gihupay ni Tan nga walay bisan usa ka residente nga samaron o missing sa maong dakong sunog.

Si Fire Senior Insp Willie Tan sa Bureau of Fire Protection

Kini ang ikaduhang sunog nga natigayon sulod ning semanaha diin ang una usa ka ancestral house sa pamilyang Paderanga diha Tiano-Akut-Velez Streets ning syudad sa miaging gabii.

-- ADVERTISEMENT --