CAGAYAN DE ORO CITY – Sikop ang duha ka drugista sa pagbaton sa kapin sa usa ka milyon ka pesos nga balor sa gitoohang shabu sa Masterson Avenue,Brgy Lumbia ning syudad.

Giila ang mga dinakpan nga sila Jalal Acmad, 28 anyos,minyo nga taga Lanao del Sur ug Rodrigo Paclijan, 34-anyos, ulitawo ug residente sa San Lazaro,Agora Brgy Lapasan ning syudad.

-- Advertisement --

Gibutyag ni Lumbia Police Station commander Maj Aldren Baculio nga gamit ang 10-mil pesos nga marked money nasikop nila ang mga suspek diin nakuhaan sa dakong sachet sa illegal nga droga.

Si Lumbia Police Station commander Maj Aldren Baculio

Saysay ni Baculio nga maoy bundakanan sa item sa mga suspek ang Cagayan de Oro ug Iligan City.