CAGAYAN DE ORO CITY – Gitunulan na ni Pres Rodrigo Duterte pinaagi sa iyang Presidential Management Staff o PMS sa Order of Lapu-Lapu ang pito ka sundalo nga mibuhis kinabuhi tungod sa pagtuman sa ilang mga tahas dihang nahagsa ang gisakyan nga helicopter sa Bukidnon.

Photos from 4th ID’s DPAO

Gibutyag ni 403rd IB,Philippine Army commander Brig Gen Ferdinand Barandon nga mismo siya ang mi-representar kang 4th ID commander Maj Gen Andres Centino sa pagtunol sa taas nga pag-ila sa pagkabayani kanila ni Army Sgt Julius Salvado ug CAFGU Active Auxilliary member ug Jhamel Sugalang nga pulos nagpuyo sa Bukidnon.

-- Advertisement --

Miingon si Barandon nga susamang pasidungog usab ang natunol sa PMS ug AFP sa pamilya ni CAA member Jerry Ayocdo sa Brgy Salug,Esperanza, Agusan del Sur.

Si 403rd IB,Philippine Army commander Brig Gen Ferdinand Barandon

Hisayrang laraw unta duawon ni Duterte ang mga haya sa mga biktima apan dali usab kining gihatod sa tagsa-tagsa ka pamilya aron ikauban sa katapusang higayon sa miaging semana.