CAGAYAN DE ORO CITY – Work related ug posibleng sakop sa rebeldeng NPA ang mipatay kang Police Cpl El John Capawa diha sa Balingao,Adela Subd,Brgy Camaman-an ning syudad sa miaging gabii.

Kini ang inisyal nga resulta sa imbestigasyon sa PNP kabahin sa nahitabo kang Capawa nga residente sa maong brgy.

-- Advertisement --

Gibutyag ni PRO-10 spokesperson Police Capt. Francisco Sabud Jr nga wala naka floating status si Capawa, sukwahi sa unang gilugwa nga pahayag sa Cogon Police Station.

Gawas niini, gitin-aw ni Sabud nga walay kaso sa ilegal nga druga ug dili DI-LISTED sama sa gipakatag sa ubang istasyon sa radyo.

Si PRO-10 spokesperson Police Capt. Francisco Sabud Jr

Samtang gipalawman sa kapolisan ang ilang gihimo nga imbestigasyon sa pagpusil-patay sa usa ka pulis sa Balangiao,Adela, Camaman-an ning syudad.

Gibutyag ni Capt. Ernesto Sanchez, hepe sa Cogon Police Station nga tanang anggulo ang ilang gitutukan sa kamatayon ni Capawa sa miaging gabii.

Giawhag usab ni Sanchez ang mga nakasaksi sa krimen nga modangop sa ilang buhatan ubos sa pasalig nga hugot nga seguridad.

Si Capt. Ernesto Sanchez, hepe sa Cogon Police Station

Gipusil si Capawa samtang sakay sa motorsiklo sa wala ilhi nga motorcycle in tandem suspects.